Neni 34. E drejta e autorit në veprat fotografike

1. Kalimi i pronësisë së negativit ose trupëzimit tjetër të ngjashëm të veprës fotografike, në bazë të së cilës mund të bëhen kopje të saj, përveç nëse në kontratë parashikohet ndryshe, nënkupton kalimin e të drejtave ekonomike të veprës, përveç të drejtës së rishitjes.

2. Vepra fotografike që portretizon një person fizik që e ka porositur atë, përveç nëse parashikohet ndryshe në kontratë, personi mund të kryejë çdo veprim të mbuluar nga të drejtat ekonomike pa autorizimin e autorit.