Neni 11. E drejta e autorit në koleksione dhe përmbledhje

1. Autorët e koleksioneve ose përmbledhjeve të përmendura në nenin 5 nën-paragrafin 4.2. të këtij ligji gëzojnë të drejtën e autorit në veprat në fjalë.

2. Një vepër e mbrojtur me të drejtën e autorit mund të përfshihet në një koleksion ose përmbledhje, vetëm nëse autori i saj ose bartësi tjetër i së drejtës së autorit në të e autorizon atë. E drejta e autorit e përpiluesit nuk cenon të drejtat e autorëve të çdo vepre të përfshirë në koleksion ose kompozim.

3. Mbrojtja e të drejtës së autorit në koleksione dhe përmbledhje nuk shtrihet në përmbajtjen e tyre. Autorët dhe pronarët e të drejtave të tjera të parashikuara në këtë ligj, veprat ose prodhimet e mbrojtura të të cilëve përfshihen në një koleksion ose përmbledhje, kanë të drejtë të ushtrojnë të drejtën e tyre të autorit ose të drejtën e përafërt në këto vepra ose prodhime të tjera, përkatësisht, në mënyrë të pavarur nga koleksioni ose përmbledhja.