Neni 106. Informacioni që u jepet mbajtësve të të drejtave, organizatave të tjera të menaxhimit

kolektiv dhe përdoruesve sipas kërkesës

1. Në përgjigje të një kërkese të arsyetuar siç duhet, një organizatë e menaxhimit kolektiv, vë të paktën informacionin e mëposhtëm në dispozicion me mjete elektronike dhe pa vonesa të panevojshme për çdo organizatë të menaxhimit kolektiv në emër të së cilës menaxhon të drejtat sipas një marrëveshjeje përfaqësimi ose për çdo bartës të së drejtave ose për çdo përdorues:

1.1. veprat ose lëndët e tjera të mbrojtura që përfaqëson, të drejtat që ajo menaxhon, drejtpërdrejtë ose sipas marrëveshjeve të përfaqësimit, dhe territoret e mbuluara nga ajo; ose

1.2. kur, për shkak të fushës së veprimtarisë së organizatës së menaxhimit kolektiv, vepra të tilla ose lëndë të tjera të mbrojtura, nuk mund të përcaktohen, llojet e veprave ose lëndët e tjera të mbrojtura që ajo përfaqëson, të drejtat që ajo menaxhon dhe territoret e mbuluara.