Neni 21. Shpërblimi dhe kompensimi i shpenzimeve

1. Avokati ka të drejtë për pagesën e honorarit dhe kompensimin e shpenzimeve për punën e tij në pajtim me Rregulloren për tarifën e avokatëve.

2. Për përfaqësim sipas detyrës zyrtare, lartësinë e shpërblimit dhe shpenzime të avokatëve e përcaktojnë Këshilli Gjyqësor, Këshilli Prokurorial i Kosovës dhe Agjencia për ndihmë Juridike falas në bashkëpunim me organet e Odës.

3. Fatura e avokatit për shpërblim dhe shpenzime paraqet dokument autentik në procedurën e përmbarimit.