Neni 653. Zgjidhja e kontratës për shkak të rritjes së çmimit

1. Në qoftë se në rastet nga nenet paraprake çmimi kontraktues do të duhej të rritej konsiderueshëm, porositësi mund ta zgjidhë kontratën.

2. Në rastin e zgjidhjes së kontratës, porositësi ka për detyrë t’i paguajë kryerësit pjesën përkatëse të çmimit të kontraktuar për punimet e kryera gjer atëherë, si edhe shpërblimin e drejtë për shpenzimet e domosdoshme të bëra.