Neni 471. Të drejtat e blerësit

1. Blerësi i cili e ka njoftuar shitësin me kohë dhe në mënyrë të rregullt mbi të metën, mundet:

1.1. të kërkojë nga shitësi që të metën ta mënjanojë, ose t’ia dorëzojë sendin tjetër pa të meta (përmbushja e kontratës);

1.2. të kërkojë zbritjen e çmimit;

1.3. të deklarojë zgjidhjen e kontratës.

2. Në secilin nga këto raste blerësi ka të drejtë për shpërblimin e demit.

3. Përpos kësaj dhe pavarësisht nga kjo, shitësi i përgjigjet blerësit edhe për dëmin të cilin e ka pësuar ky për shkak të të metave të sendit në të mirat e tjera të veta, dhe këtë sipas rregullave të përgjithshme mbi përgjegjësinë për dëmin.